ब्लॉगिंग टूल जे सर्वांनीच वापरले पाहिजेत । Top 10 Blogging Tools in Marathi
Top 10 Blogging Tools in Marathi: मित्रांनो जेव्हा पासून आपल्या भारतात जिओ चे इंटरनेट सुरु झाले आहे तेव्हा पासून ब्लॉग वाचणारे आणि ब्लॉग लिहिणारे खूप जास्त वाढले आहेत. खर्या अर्थाने पाहिले तर, जर तुमच्याकडे ब्लॉग वर लिहायला अचूक माहिती आणि स्पष्ट दृष्टी असेल तर तुम्ही लवकरच ब्लॉगिंगमध्ये तुम्ही उत्तम करिअर करू शकता. आजच्या या पोस्टमध्ये, मी तुमच्या सोबत काही असे टूल्स किंवा वेबसाइटची नावे शेअर करणार आहे, ज्याद्वारे मी माझ्या वेबसाइटला गूगल सर्च मध्ये चांगली रँक मिळवून दिली आहे ते हि काहीच महिन्यात.
आज मी ज्या १० वेबसाइटबद्दल बोलणार आहोत त्या सर्व विनामूल्य आहेत. त्यांचा वापर करून मी माझ्या वेळेचा खूप मोठा भाग वाचवला आहे, जो सर्वात मौल्यवान आहे. तर चला मग विलंब न करता जाणून घेऊया टॉप १० ब्लॉगिंग टूल फॉर ब्लॉगर्स.
1. Canva
कॅनव्हा हे एकमेव साधन आहे ज्याला इंटरनेट वर Image Editing साठी दुसरे पर्याय नाही. जर तुम्ही ब्लॉगिंग च्या दुनियेत नवीन असाल आणि वेबसाइट साठी विनामूल्य Images तयार करण्यासाठी संघर्ष करत असाल, तर कॅनव्हामध्ये तुम्ही काही मिनिटांतच पूर्णपणे विनामूल्य आणि कॉपीराइट मुक्त प्रतिमा तयार करू शकता. कॅनव्हासह माझा सरासरी Image Editing चा वेळ खूप कमी झाला आहे. Canva टूल तुम्ही Youtube वर व्हिडिओस बघून काही तासांमध्ये शिकू शकता.
2. Google Input Tool
सध्या मी दोन वेबसाइट चालवतो. माझ्या दोन्ही वेबसाइटची प्राथमिक भाषा मराठी आहे. सुरुवातीला माझा टायपिंगचा वेग कमी होता, त्यामुळे मी प्रथम मला ज्ञात असलेल्या विषयावर वही पेन घेऊन सर्व ब्लॉग चा मजकूर लिहून घायचो कारण प्रथम मला मराठी टायपिंग खूप कठीण वाटायचे, पण नंतर मला गुगलचे मराठी इनपुट टूल बद्दल समजले, मी Google Input chrome extension इन्स्टॉल केले आहेत ज्यामुळे आता मला आर्टिकल मराठी मध्ये लिहायला सोयीस्कर झाले आहे, त्यामुळे तुम्ही जर तुमच्या मायबोली मध्ये ब्लॉगिंग करत आहेत तर हे टूल तर तुम्ही वापरलेच पाहिजे.
3. Font Meme
माझ्या वेबसाइटच्या प्रतिमा सुधारण्यासाठी, मला त्यात वापरलेले फॉन्ट योग्यरित्या व्यवस्थित करावे लागतात. यासाठी मला एक साधन हवे होते जे मला असे मराठी फॉन्ट मोफत देईल, जे चांगल्या डिझाइनमध्ये असतील. फॉन्ट मेममधून, मी माझ्या प्रतिमेवर येणारे कोट्स किंवा इतर कोणतेही वाक्य तिथे पेस्ट करतो आणि त्याचे PNG फॉरमॅट कॅनव्हामध्ये थेट कॉपी करतो. या ट्रिक मुळे images कोणीतरी professional व्यक्ती ने बनवल्या आहेत असे सर्वांना वाटते.
4. Pixabay
ब्लॉगिंग करताना तुम्हाला pixabay.com वेबसाइटबद्दल माहिती असणे आवश्यक आहे. Pixabay वर सुमारे 2.3 दशलक्ष विनामूल्य फोटो उपलब्ध आहेत, जे तुम्ही कॉपीराइटच्या भीतीशिवाय तुमच्या वेबसाइटवर वापरू शकता. कारण इंटरनेट वर असलेले कोणतेही फोटो आपण आपल्या ब्लॉग मध्ये वापरू शकत नाहीत. त्यामुळे pixabay वेबसाईट चा वापर करा, येथील सर्व images तुम्ही फ्री मध्ये वापरू शकता, सोबत या वेबसाइट वरून तुम्हाला अनेक कार्टून किंवा वेक्टर ग्राफिक्स मिळतील. त्यांच्या मदतीने तुम्ही तुमची क्रिएटिविटी वाढवू शकता.
5. Tinypng
जर तुम्ही वर्डप्रेस किंवा इतर कोणतेही प्लॅटफॉर्म वापरत असाल तर तुम्हाला वेबसाइटची रँक राखण्यासाठी वेबसाइटचा स्पीडचांगला करावा लागतो, यासाठी, तुम्ही तुमच्या वेबसाइटमध्ये जास्त Plugins वापरू नका, इमेज साइज कमी ठेवा आणि नको असलेल्या Java फाइल्स काढून टाका, हे महत्त्वाचे आहे. मी नेहमी माझ्या पोस्टची image आकार 50 kb पेक्षा कमी ठेवण्याचा प्रयत्न करतो. यासाठी मी tinypng.com वापरतो. तुमची तयार केलेली image size मोठी असेल तर तुम्ही tinypng.com या वेबसाईट वर जाऊन तुमच्या image ला compress करू शकता. ते हि Image Quality खराब न करता.
6. Tineye
वेबसाइट इमेज युनिक बनवण्यासाठी, एकदा मी अपलोड केल्यानंतर या टूलमध्ये माझी इमेज तपासतो. tineye तुम्हाला तुमच्या प्रतिमेची कॉपीराइट स्थिती जाणून घेण्यास मदत करेल. आपण वापरलेली Image या आधी कोणी वापरली तर नाही ना याची खात्री करून घेण्यासाठी हि वेबसाइट बेस्ट आहे. यासाठी तुम्ही तुम्ही तयार केलेली image या tineye.com website वर अपलोड करा जर 0 result आले तर समजायचे आपण तयार केलेली प्रतिमा याआधी कोणीच वापरली नाही आहे. आणि जरी तुम्हाला आढळले कि या आधी सुद्धा हि image कोणीतरी वापरली आहे तर तुम्ही तुमच्या image च्या खाली image source मध्ये त्या वेबसाइट ची लिंक टाकू शकता. जेणे करून तुम्हाला copyright ची भीती राहणार नाही.
7. Smallseotools
Smallseotools.com हि एक अशी website आहे जिच्या मदतीने तुम्ही plagiarism check करू शकता. plagiarism म्हणजे आपण जो ब्लॉग लिहला आहे तो कुठून कॉपी केला आहे कि नाही हे शोधण्याची पद्धत. कारण आज इंटरनेट वर भरपूर ब्लॉगर्स आहेत. त्यामुळे आपण आपली पोस्ट पब्लिश करण्यापूर्वी plagiarism एकदा check नक्की करा. कारण तुमच्या वेबसाईट वर कॉपी केलेले Content असेल तर तुम्हाला Google AdSense ची मंजुरी भेटणार नाही. तसेच या वेबसाईट वर तुम्हाला Word Counter, Text To Speech, Image to text Convertor यांसारखे सुंदर टूल सुद्धा वापरता येतील.
8. Keyword-Surfer
कीवर्ड-सर्फर हे एक विनामूल्य क्रोम एक्स्टेंशन टूल आहे ज्याच्या मदतीने तुम्ही गुगल परिणामांमध्ये Keyword CPC आणि व्हॉल्यूम तपासू शकता. जरी त्याची अचूकता इतकी चांगली नाही, परंतु त्याच्या मदतीने, आपण कीवर्डची अचूक संज्ञा पकडू शकता. असे होते की काहीवेळा आपण ज्या Keyword वर पोस्ट लिहायला घेतो त्याबद्दल कोणी सर्च च करत नाही म्हणून टॉपिक ला लिहायला सुरवात करण्या आधी तुमचा कीवर्ड keyword-surfer वर टाका आणि त्याचे Number of Searches आणि CPC चेक करा.
9. Word Counter
Wordcounter.net सह, मी लिहलेल्या पोस्ट चे words मोजतो. या वेबसाइटवर लॉगिन आवश्यकता नाही. येथे मला कीवर्ड्सची घनता देखील विनामूल्य पहायला मिळते. मित्रांनो तुम्ही नवीनच ब्लॉगिंग ला सुरवात केली असेल तर तुमचा ब्लॉग कमीत कमी १००० words चा तरी नक्की लिहा. तसे, जर तुमचा ब्लॉग वर्डप्रेसवर असेल, तर या टूलची गरज भासणार नाही, कारण हा पर्याय पोस्ट एडिटरमध्ये दिलेला आहे. अन्यथा, जर तुम्हाला Words मोजायचे असतील तर तुम्ही wordcounter.net या वेबसाइट चा वापर करू शकता.
10. Zippyjot
मी माझ्या ग्रुप मध्ये कोणतीही पोस्ट चेक करण्यासाठी या नोटपॅडचा उपयोग करतो कारण मी आणि माझी टीम सर्वच लॉग इन करून एका पसोट ला ऑनलाईन एडिट करू शकतात. या tool मुळे माझा बराच वेळ वाचला आहे. सोप्या भाषेत सांगायचे झाले तर हे आपल्या संगणकात असलेल्या notepad प्रमाणेच काम करते फक्त फरक एवढाच आहे कि हे नोटपॅड Cloud Based आहे म्हणजे तुमच्या ग्रुप मधील कोणीही, कुठूनही तुम्ही शेअर केलेल्या माहिती वाचू किव्हा बदलू शकता.
बोनस टूल
11. Grammarly
आपण जेंव्हा काही लिहितो, मग ते ब्लॉग पोस्ट असो किंवा नीटनेटके ईमेल, त्यात व्याकरणाची चूक हि असतेच, त्यामुळे आपले लिहिलेले कोणी वाचले तर ते फार समोरच्याला खुप विचित्र वाटते, म्हणून यासाठी आपण ऑनलाईन व्याकरण सुधारण्यासाठी Grammarly टूल चा उपयोग केला पाहिजे. हे टूल सुद्धा फ्री मध्ये उपलब्ध आहे, जे तुमचे सर्व स्पेलिंग आणि ग्रामर मिस्टेक दूर करायला मदत करेल.
ही सर्व Online Tools वापरून, तुम्ही तुमची वेबसाइट आणि तुमच्या कामाचा वेग आणखी सुधारू शकता. तुम्ही जितका कमी वेळ पोस्ट तयार करायला द्याल तितकी चांगली आणि अधिक अनोख्या पोस्ट तुम्ही तयार करू शकता. तुम्हाला त्याचा रिजल्ट तितकाच चांगला आणि उत्तम मिळेल.
Conclusion
मित्रांनो आता ब्लॉगिंग मध्ये खूप स्पर्धा वाढली आहे, त्यामुळे तुम्हाला सुद्धा असे टूल वापरले पाहिजे ज्याने तुमचा वेळ वाचेल आणि तुम्ही जास्त फोकस तुमच्या ब्लॉग च्या कन्टेन्ट वर कराल. आशा आहे की तुम्हाला ही माहिती आवडली असेल आणि तुम्हाला काही उपयुक्त टूल आज माहित पडले असतील ज्यामुळे तुमचे ब्लॉगिंग काम सोपे होईल. जर तुमच्या कडे सुद्धा असेच कोणतेतरी टूल आहे जे मी या ब्लॉग पोस्ट मध्ये नमूद केले नाही आहे, तर त्याची माहिती आम्हाला कंमेंट मध्ये द्या. आम्ही तुम्ही दिलेला टूल आमच्या या पोस्ट मध्ये शेअर करू.
आणि हो हा ब्लॉग तुमच्या ब्लॉगर मित्रांसोबत शेअर करायला विसरू नका.
धन्यवाद.
हे देखील वाचा
